சென்னையில் ஒரே நாளில் 22 பேர் பலி

updated / nykvt / 20.07.2020 / 23.17
 
சென்னை

தமிழகத்தில் இன்று (ஜூலை 20) அதிகபட்சமாக சென்னையில் 1,298 பேருக்கும், திருவள்ளூரில் 454 பேருக்கும் கொரோனா தொற்று உறுதியாகியுள்ளது. மேலும் சென்னையில் 22 பேரும், திருவள்ளூரில் 9 பேரும் பலியாகியுள்ளனர்.

தமிழகத்தின் அனைத்து மாவட்டங்களிலும் கொரோனா பாதித்தவர்களின் எண்ணிக்கை தொடர்ந்து அதிகரித்து வருகிறது. இன்று சென்னையில் 1,298 பேருக்கு கொரோனா உறுதியாகியுள்ளது. இதன் மூலம் சென்னையில் மட்டும் 87,235 பேர் பாதிக்கப்பட்டுள்ளனர். சென்னையை தவிர்த்து, இன்று, திருவள்ளூரில் 434 பேருக்கும், செங்கல்பட்டில் 354 பேருக்கும், காஞ்சிபுரத்தில் 329 பேருக்கும், தூத்துக்குடியில் 200 பேருக்கும், திருநெல்வேலியில் 180 பேருக்கும், விருதுநகரில் 169 பேருக்கும், திருவண்ணாமலையில் 151 பேருக்கும் கொரோனா உறுதியாகியுள்ளது.

இன்று சென்னையில் 22 பேரும், திருவள்ளூரில் 9 பேரும், செங்கல்பட்டில் 7 பேரும், மதுரையில் 5 பேரும், திருச்சியில் 4 பேரும், காஞ்சிபுரம், புதுக்கோட்டையில் 3 பேரும், கோவை, ராமநாதபுரத்தில் 2 பேரும், கடலூர், தர்மபுரி, கள்ளக்குறிச்சி, கன்னியாகுமரி, பெரம்பலூர், ராணிப்பேட்டை, சேலம், திருப்பத்தூர், தூத்துக்குடி, திருப்பூர், வேலூர், விழுப்புரம், விருதுநகரில் தலா ஒருவரும் என 70 பேர் கொரோனாவால் உயிரிழந்துள்ளனர்.