டோக்கியோ ஒலிம்பிக் போட்டியில் இந்திய வீரர் நீரஜ் சோப்ராவுக்கு தங்கம் வெல்லும் வாய்ப்பு!

Updated : 04 - 08 - 2021 / NYKVT 

டோக்கியோ,
           ஆண்களுக்கான ஈட்டி எறிதல் தகுதிச்சுற்று  ஒலிம்பிக் போட்டி இன்று காலையில் நடைபெற்றது. இதில் இந்தியா சார்பில் கலந்து கொண்ட நீரஜ் சோப்ரா தனது முதல் வாய்ப்பில் 86.65 மீட்டர் தூரம் எறிந்து சாதனை படைத்தார். இதன் மூலம் இறுதிச் சுற்றுக்கு முன்னேறும் வாய்ப்பை பெற்றுள்ளார். இதனைத் தொடர்ந்து ஆகஸ்ட் 7-ம் தேதி நடைபெறும் ஈட்டி எறிதலுக்கான இறுதிச்சுற்று போட்டியில் அவர் கலந்து கொள்ளவுள்ளார். 
முன்னதாக உலக ஜூனியர் தடகள சாம்பியன் ஷிப்பில் 86.48 மீட்டர் தூரம் ஈட்டி எறிந்து ஜூனியர் அளவில் உலக சாதனை படைத்து, தங்க பதக்கத்தை தட்டியவர் நீரஜ் சோப்ரா என்பது குறிப்பிடத்தக்கது. இந்நிலையில், டோக்கியோ ஒலிம்பிக் போட்டியில் இறுதி சுற்றுக்கு தகுதி பெற்றுள்ளதால் இந்தியாவுக்கு தங்கம் கிடைக்க அதிகம் வாய்ப்புள்ளது.